ମଧ୍ୟପ୍ରଦେଶରେ ଦେଖାଗଲା ଧଳା କାଉ, ଅମୃତ ପିଇବା ପରେ ଅଭିଶାପ କାରଣରୁ ହୋଇଥିଲା କଳା!

କାଉକୁ ଆପଣମାନେ ସାଧାରଣତଃ କଳା ରଙ୍ଗରେ ଦେଖିଥିବେ । କଳା ହୋଇଥିବା କାରଣରୁ କାଉମାନଙ୍କୁ ଅଶୁଭ ମଧ୍ୟ ମନାଯାଇଥାଏ । କିନ୍ତୁ ଆପଣ କେବେ ଧଳା କାଉ ଦେଖିଛନ୍ତି କି ? ମଧ୍ୟପ୍ରଦେଶର ଦତୱାଡାରେ ଧଳା କାଉ ଦେଖାଯାଇଥିବା ବେଳେ ଏହାକୁ କେତେକ ଶୁଭ ସକେଂତ ବୋଲି କହିଛନ୍ତି । ଏହା ପୂର୍ବରୁ ୨୦୧୭ରେ ସତନାରେ ଧଳା କାଉ ଦେଖାଦେଇଥିଲା ।

ତେବେ କାଉଙ୍କ ରଙ୍ଗ ପରିବର୍ତ୍ତନ ପଛରେ ବୈଜ୍ଞାନିକ କାରଣ ରହିଛି । ଧଳା କାଉ ମଧ୍ୟ କଳା କାଉ ପରି ଦୃଶ୍ୟ ହେଉଥିବା ବେଳେ ଅନୁବଂଶିକ ଦୋଷ କାରଣରୁ କିଛି କାଉଙ୍କ ରଙ୍ଗ ଧଳା ହୋଇଥାଏ । ଦୁନିଆରେ କାଉଙ୍କ ଏପରି ବହୁ ପ୍ରଜାତି ଦେଖିବାକୁ ମିଳିଥାଏ ।

ତେବେ ପୌରାଣିକଅନୁସାରେ, କାଉ ଧଳାରୁ କଳା ହେବାର ଅନେକ କାରଣ ରହିଛି । ପୂର୍ବରୁ ଜଣେ ଋଷି ଏକ ଧଳା କାଉକୁ ଅମୃତ ଖୋଜିବାକୁ ପଠାଇଥିଲେ । ବହୁତ ଖୋଜାଖୋଜି ପରେ କାଉଟି ଅମୃତ ପାଇବା ପରେ କ୍ଲାନ୍ତ ଓ ଲାଳସାରେ ଆସି ସେ ସେଥିରୁ କିଛି ଅମୃତ ପାନ କରିଥିଲା । ଅମୃତ ପିଇ ସାରିବା ପରେ ଧଳା କାଉଟି ଏହି ବିଷୟରେ ଋଷିଙ୍କୁ ଜଣାଇଥିଲା ।

ଅମୃତ ପିଇବା କଥା ଶୁଣି ରାଗିଯିବା ସହ ଧଳା କାଉକୁ ଅଭିଶାପ ଦେଇ ଋଷି କହିଥିଲେ ଯେ, ତୋତେ ଆଜିଠାରୁ ଲୋକମାନେ ଘୃଣା କରିବା ଓ ଅଶୁଭ ଭାବିବେ । ଏହା ପରେ କାଉକୁ ନିଜ କମଣ୍ଡଳରରେ ଥିବା କାଣିରେ ବୁଡାଇ ଧଳା ରଙ୍ଗରୁ କଳା କରିଥିଲେ ସେହି ଋଷି । ସେହି ଦିନଠାରୁ କାଉର ରଙ୍ଗ କଳା ହୋଇଯାଇଛି ।