ଜଳବନ୍ଦୀ ଟ୍ରେନରୁ ଉଦ୍ଧାର ହେଲେ ୬୦୦ ଯାତ୍ରୀ

ମହାରାଷ୍ଟ୍ର : ମହାରାଷ୍ଟ୍ରରେ ଲଗାଣ ବର୍ଷା ଯୋଗୁଁ  ସାଧାରଣ ଜନଜୀବନ ଅସ୍ତବ୍ୟସ୍ତ ହେଉଥିବା ବେଳେ ଟ୍ରାକରେ ଅଟକି ପଡିଛି ମହାଲକ୍ଷ୍ମୀ ଏକ୍ସପ୍ରେସ । ବଦଲାପୁର ୱାନଗାନି ଷ୍ଟେସନ ମଧ୍ୟରେ ଅଟିକିଥିବା ଏହି ଟ୍ରେନରେ ପ୍ରାୟ ୭ଶହ ଯାତ୍ରୀ ରହିଥିବା ବେଳେ ବର୍ତ୍ତମାନ ସୁଦ୍ଧା ୬୦୦ ଯାତ୍ରୀଙ୍କୁ ଉଦ୍ଧାର ସରିଛି । ଠାଣେର ୨ଟି ସ୍ଥାନରେ ୧୧୫ରୁ ଅଧିକ ଲୋକ ବି ଫସି ରହିଥିବା ସୂଚନା ମିଳିଛି । ନୌସେନା ଓ ବାୟୁସେନା ଓ ଏନଡିଆରଏଫ୍ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି ।

ଏହି ରେସକ୍ୟୁ ଅପରେସନରେ ନୌସେନାର ୮ଟି ଟିମ ନିୟୋଜିତ ଥିଲେ । ସେମାନଙ୍କ ମଧ୍ୟରେ ୩ଟି ଟିମ୍ ଲାଇଫ୍ ଜ୍ୟାକେଟ୍ ଓ ଉଦ୍ଧାର ସାମଗ୍ରୀ ସହ ପହଁଚିଥିଲେ । ଏହା ସହ ଉଦ୍ଧାର କାର୍ଯ୍ୟରେ ବାୟୁସେନାର ୨ଟି ହେଲିକାପ୍ଟର ନିୟୋଜିତ କରାଯାଇଛି ।

ଏନେଇ ମୁଖ୍ୟମନ୍ତ୍ରୀ ଫଡନାବିସଙ୍କ ସହ କଥା ହୋଇଛନ୍ତି କେନ୍ଦ୍ର ଗୃହରାଷ୍ଟ୍ର ମନ୍ତ୍ରୀ ।