କଶ୍ମୀରରେ ମଦ ଦୋକାନ ଖୋଲିବାକୁ ପିଏମଙ୍କୁ ଅପିଲ କଲେ ଯୁବକ, ଭାଇରାଲ ହେଲା ଭିଡିଓ...

ନୂଆଦିଲ୍ଲୀ : ଜମ୍ମୁ-କଶ୍ମୀରରୁ ଧାରା ୩୭୦କୁ ଉଚ୍ଛେଦକୁ ନେଇ ମୋଦୀ ସରକାରଙ୍କ ଐତିହାସିକ ଫଇସଲାକୁ ସାରାଦେଶରେ ଲୋକେ ଭୁରି ଭୁରି ପ୍ରଶଂସା କରୁଛନ୍ତି । ସ୍ୱାଧୀନତାର ୭୨ ବର୍ଷ ପରେ ଏହା ସବୁଠାରୁ ବଡ଼ ରାଜନୈତିକ ନିଷ୍ପତ୍ତି ଥିଲା । ତେବେ ଏହି ଧାରା ଉଚ୍ଛେଦ ପରେ କାଶ୍ମୀରରେ ୧୪୪ ଧାରା ଲାଗୁ ହେବ ସହ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଏହି ପରିସ୍ଥିତିରେ ଇଣ୍ଟରନେଟରେ ଏକ ଭିଡିଓ ଖୁବ ଭାଇରଲ ହେବାରେ ଲାଗିଛି, ଯେଉଁଥିରେ ଜଣେ ଯୁବକ କଶ୍ମୀରରେ ମଦ ଦୋକାନ ଖୋଲିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଅପିଲ କରିଛନ୍ତି ।

https://twitter.com/nisheethsharan/status/1158756113237413888

ଭିଡିଓରେ ଯୁବକଜଣଙ୍କ ତଳେ ବସି, ମୋଦୀଜୀ କଶ୍ମୀରରେ ସ୍କୁଲ ବନିଗଲା, ସଡ଼କ ବି ନିର୍ମାଣ ହୋଇଗଲା ଓ କଲେଜ ବି ତିଆରି ହୋଇଗଲା । ଏବେ ଅନନ୍ତନାଗରେ ଏକ ମଦ ଦୋକାନ ଖୋଲିବା ଦରକାର । କାରଣ ପୁଅମାନଙ୍କୁ ଗୋଟେ ବୋତଲ ପାଇଁ ଶ୍ରୀନଗର ଯିବାକୁ ପଡ଼ୁଛି । ଯିବା ଆସିବାରେ ୨୦୦-୩୦୦ଟଙ୍କା ଲାଗିଯାଉଛି । ଶ୍ରୀନଗର ପାଇଁ ମଦ ଦୋକାନ କିନ୍ତୁ ଅନନ୍ତନାଗ ପାଇଁ ନୁହେଁ । ଏଭଳି ଭେଦଭାବ କ’ଣ ପାଇଁ? ମୁଁ ମୋଦୀ ସରକାରଙ୍କୁ ଅପିଲ କରୁଛି, ସେ ଅନନ୍ତନାଗରେ ଗୋଟେ ମଦ ଦୋକାନ ଖୋଲନ୍ତୁ ବୋଲି କହୁଥିବା ଦେଖା ଯାଇଛି ।