ଏସବିଆଇ ଗ୍ରାହକଙ୍କ ପାଇଁ ନୂଆ ନିୟମ! ଜାଣନ୍ତୁ ସପ୍ତାହରେ କେତେଥର ଉଠାଇପାରିବେ ଏଟିଏମରୁ ଟଙ୍କା..

ନୂଆଦିଲ୍ଲୀ: ଦେଶର ସବୁଠାରୁ ବଡ ସରକାରୀ ବ୍ୟାଙ୍କ ଏସବିଆଇର ଯଦି ଆପଣ ଗ୍ରାହକ ଅଛନ୍ତି, ତେବେ ଆପଣଙ୍କ ପାଇଁ ଖାସ୍ ଖବର । ଏସବିଆଇ ପକ୍ଷରୁ ଜାରି ହୋଇଛି ନୂଆ ନିୟମ, ଯେଉଁଥିରେ ଗ୍ରାହକମାନେ ବ୍ୟାଙ୍କରେ କେତେଥର ଟଙ୍କା ଜମା କରିପାରିବେ ଓ କେତେଥର ବାହାର କରିପାରିବେ ବୋଲି ସୂଚନା ଦିଆଯାଇଛି । ଏସବିଆଇ ପକ୍ଷରୁ କୁହାଯାଇଛି ଯେ, ଗ୍ରାହକମାନେ ପ୍ରତି ମାସରେ ୩ ଥର ବିନା ଶୁଳ୍କରେ ଟଙ୍କା ଜମା କରିପାରିବେ ଓ ଅନ୍ୟପଟେ ଆପଣ ୨ ଥର ଟଙ୍କା ଉଠାଇପାରିବେ । ୧ ଅକ୍ଟୋବରରୁ ଏସବିଆଇ ପକ୍ଷରୁ ଏହି ନୂଆ ନିୟମ ଲାଗୁ ହୋଇଛି । ଗ୍ରାହକମାନେ ଏକ ବର୍ଷରେ ୩୬ଥର ମାଗଣାରେ ବା ବିନା ଶୁଳ୍କରେ ଟଙ୍କା ଜମା କରିପାରିବେ । 

ସେହିପରି ଏସବିଆଇର ଏଟିଏମରୁ ମାସିକ ୫ଥର ହିସାବରେ ବର୍ଷକୁ ୬୦ ଥର ଟଙ୍କା ଉଠାଇପାରିବେ । କିନ୍ତୁ ଡେବିଡ୍ କାର୍ଡ ଦ୍ୱାରା ସିଡିଏମରେ ଆପଣ ନିଶୁଳ୍କରେ ଟଙ୍କା ଜମା କରିପାରିବେ ।