ଭୁବନେଶ୍ୱର,୧୭ ।୧୨(ଓଡିଶା ଭାସ୍କର): ଫେବୃୟାରୀ ତୃତୀୟ ସପ୍ତାହରେ ହୋଇପାରେ ମାଟ୍ରିକ୍ ପରୀକ୍ଷା । ଆନୁଷ୍ଠାନିକ ଭାବେ  ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ ହେବ ଘୋଷଣା ହେବ ତାରିଖ । ପରୀକ୍ଷା କେନ୍ଦ୍ରର ସ୍ୱଚ୍ଛତା ଦୃଷ୍ଟିରୁ ଏଭଳି ପଦକ୍ଷେପ ନିଆଯାଉଛି । ଏନେଇ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛନ୍ତି ।

ଏହା ସହ ମନ୍ତ୍ରୀ କହିଛନ୍ତି ଯେ, ସୁରକ୍ଷା ଦୃଷ୍ଟିରୁ ପରୀକ୍ଷା କେନ୍ଦ୍ରରେ ସିସିଟିଭି ଲାଗିପାରେ । ଗତବର୍ଷ ବିବାଦୀୟ ପରୀକ୍ଷା ସେଣ୍ଟରକୁ ନେଇ ସମୀକ୍ଷା କରାଯିବ । ଆବଶ୍ୟକ ପଡିଲେ ସେଣ୍ଟରକୁ ବାଦ୍ ଦିଆଯାଇ ପାଖ ସେଣ୍ଟରରେ ପରୀକ୍ଷା କରାଯିବ ।’

ନାଗରିକତା ସଂଶୋଧନ ଆଇନକୁ ବିରୋଧ କରି ପଶ୍ଚିମବଙ୍ଗରେ ତେଜିଛି ହିଂସା - ବିଭିନ୍ନ ରେଳ ଷ୍ଟେସନରେ ଜଳାପୋଡ଼ା, ଭଙ୍ଗାରୁଜା ଓ ଅବରୋଧ କରିଛନ୍ତି ବିରୋଧୀ । ସଂକ୍ରାଏଲ, ମୌରିଗ୍ରାମ, ବାଙ୍କରା, ନୟାବାଜ ଓ ନଲପୁର ଷ୍ଟେସନରେ ହିଂସା କାଣ୍ଡ ଦେଖିବାକୁ ମିଳିଛି । ଆନ୍ଦୋଳନକାରୀଙ୍କ ବିକ୍ଷୋଭ ଯୋଗୁଁ ଟ୍ରେନ ଚଳାଚଳ ମଧ୍ୟ ବାଧାପ୍ରାପ୍ତ ହୋଇଛି । ହାୱାଡ଼ାରୁ ଓଡ଼ିଶା ଦେଇ ଯାଇଥିବା ଟ୍ରେନ ବାତିଲ ହୋଇଛି । ସେହିପରି ଖଡ଼ଗପୁରରୁ ଓଡ଼ିଶା ଦେଇ ଯିବାକୁ ଥିବା ୭ଟି ଟ୍ରେନ ବାତିଲ ହୋଇଛି । ହାଓଡ଼ା-ତିରୁପତି ହମସଫର ଏକ୍ସପ୍ରେସ, ହାଓଡ଼ା-ଏର୍ଣ୍ଣାକୁଲମ ଅନ୍ତ୍ୟୋଦୟ ଏକ୍ସପ୍ରେସ , ହାଓଡ଼ା-ଚେନ୍ନାଇ କରମଣ୍ଡଳ ଏକ୍ସପ୍ରେସ, ହାଓଡ଼ା-ଯଶୱନ୍ତପୁର ଦୂରନ୍ତ ଏକ୍ସପ୍ରେସ, ହାଓଡ଼ା-ହାଇଦ୍ରାବାଦ ଇଷ୍ଟ କୋଷ୍ଟ ଏକ୍ସପ୍ରେସ, ହାଓଡ଼ା-ପୁଣେ ଦୂରନ୍ତ ଏକ୍ସପ୍ରେସ, ଏହି ସମସ୍ତ ଏକ୍ସପ୍ରେସ ହାଓଡ଼ାରୁ ବାତିଲ ହୋଇଛି । ପୂର୍ବତଟ ରେଳବାଇ ବିଭାଗ ତରଫରୁ ଏନେଇ ସୂଚନା ମିଳିଛି ।

କେଉଁଠି କେଉଁ ଟ୍ରେନ ଅଟକିଛି ?

 ଚେନ୍ନାଇ-ହାୱଡା କରମଣ୍ଡଳ ଏକ୍ସପ୍ରେସ ପାନ୍ସକୁରାରେ ଅଟକିଛି ।
ଯଶୱାନ୍ତପୁର-ହାୱଡା ଦୂରନ୍ତ ଏକ୍ସପ୍ରେସ୍ ଭଦ୍ରକରେ ଅଟିକିଛି ।
ସିକନ୍ଦରବାଦ-ହାୱହା ଫଲକନୁମା ଏକ୍ସପ୍ରେସ ଯାଜପୁରରେ ଅଟକିଛି ।
ପୁରୀ-ହାୱଡା ଧଉଳି ଏକ୍ସପ୍ରେସ କଟକରେ ଅଟକିଛି ।

ଏହା ସହ ଭୁବନେଶ୍ବର-ହାଓଡ଼ା ଜନଶତାବ୍ଦୀ ଏକ୍ସପ୍ରେସ ମେଛଦାରୁ ଫେରିବ । ସେହିପରି ପୁରୀ-ହାଓଡ଼ା ଶତାବ୍ଦୀ ଏକ୍ସପ୍ରେସ ଖଡ଼ଗପୁରରୁ ଫେରିବ ।

ଉଲ୍ଲେଖଯୋଗ୍ୟ ଯେ ନାଗରିକତା ସଂଶୋଧନ ବିଲ ଲୋକସଭାରେ ବହୁ ମତରେ ପାରିତ ହେବା ପରେ ରାଜ୍ୟସଭାରେ ମଧ୍ୟ ବହୁ ତର୍କ ବିତର୍କରେ ପରେ ମଧ୍ୟ ବିଲଟି ପାସ ହୋଇଥିଲା । ନାଗରିକତା ସଂଶୋଧନ ବିଲ ଉପରେ ରାଷ୍ଟ୍ରପତି ରାମ ନାଥ କୋବିନ୍ଦ ମୋହର ମାରିବା ପରେ ତାହା ଆଇନରେ ପରିଣତ ହୋଇଯାଇଛି । ଏନେଇ କେତେକ ଜାଗାରେ ଅସନ୍ତୋଷ ସହ ଅଶାନ୍ତି ମଧ୍ୟ ଦେଖା ଦେଇଛି ।

ମାତ୍ର ୩୪ ବର୍ଷ ବୟସରେ ଫିନଲ୍ୟାଣ୍ଡର ନୂଆ ପ୍ରଧାନମନ୍ତ୍ରୀ ଭାବେ ନିର୍ବାଚିତ ହୋଇଛନ୍ତି ସୋଶାଲ୍ ଡେମୋକ୍ରାଟିକ୍ ପାର୍ଟି ନେତା ବା ପୂର୍ବ ପରିବହନ ମନ୍ତ୍ରୀ ସନା ମରିନ୍ । ଆଣ୍ଟି ରିନେଙ୍କ ଇସ୍ତଫା ପରେ ପ୍ରଧାନମନ୍ତ୍ରୀ ପଦ ଅଧିକାର କରିଛନ୍ତି ସନା ମରିନ୍ । ମହିଳା ହେବା ସତ୍ୱେ ବି ସେ ବହୁ କମ୍ ସମୟରେ ରାଜନୀତିର ଶୀର୍ଷରେ ପହଞ୍ଚିପାରିଛନ୍ତି ।


ତେବେ ସନାଙ୍କ ପିଲାବେଳ ଚ୍ୟାଲେଞ୍ଚରେ ଭରପୂର ରହିଥିଲା । ସେ ପିଲାବେଳେ ନିଜ ମା’ ସହ ଏକ ଭଡାଘରେ ରହୁଥିଲେ । ପରେ ସନାଙ୍କ ମା’ ଜଣେ ମହିଳାଙ୍କ ସହ ସମଲିଙ୍ଗୀ ସମ୍ପର୍କରେ ରହିବାକୁ ଲାଗିଲେ । ଏହି କାରଣରୁ ସନାଙ୍କ ପରିବାରକୁ ସମାଜ ଉଜ୍ଜତ ଦେଉନଥିଲା । ଆର୍ଥିକ ସ୍ଥିତି ଖରାପ ଥିବାରୁ ସନା ବାହାରେ ନିଜ ସାଙ୍ଗମାନଙ୍କ ସହ ବି ବୁଲାବୁଲି କରୁନଥିଲେ ।


ପରେ ମରିନ୍‌ ଫିନ୍‌ଲ୍ୟାଣ୍ଡର ଟ୍ୟାମ୍ପରେ ବିଶ୍ୱବିଦ୍ୟାଳୟରୁ ପ୍ରଶାନିକ ବିଜ୍ଞାନରେ ମାଷ୍ଟର ଡିଗ୍ରୀ କଲେ । ମାତ୍ର ୨୭ ବର୍ଷ ବୟସରେ ସେ ଫିନ୍‌ଲ୍ୟାଣ୍ଡସ୍ଥିତ ଟ୍ୟାମ୍ପରେର ନଗର ପରିଷଦର ମୁଖ୍ୟ ଭାବେ ଦାୟିତ୍ୱ ଗ୍ରହଣ କରିଥିଲେ । ଏହାପରେ ସେ ସୋଶାଲ୍‌ ଡେମୋକ୍ରାଟିକ୍‌ ପାର୍ଟି ତରଫରୁ ଜୁନ୍‌ ୨୦୧୯ରେ ନିଜ ଦେଶର ପରିବହନ ଓ ସଞ୍ଚାର ମନ୍ତ୍ରୀ ହୋଇଥିଲେ ।


ପ୍ରଧାନମନ୍ତ୍ରୀ ମରିନ୍‌ଙ୍କ ପରେ ବିଶ୍ୱର ଦ୍ୱିତୀୟ ସବୁଠୁ ସାନ ପ୍ରଧାନମନ୍ତ୍ରୀ ହେଉଛନ୍ତି ୟୁକ୍ରେନ୍‌ର ପ୍ରଧାନମନ୍ତ୍ରୀ ୩୫ ବର୍ଷୀୟା ଓଲେକ୍ସି ହୋଞ୍ଚେରୁକ୍। ନିଜ ବୟସକୁ ନେଇ ମରିନ ଗମମାଧ୍ୟମକୁ କହିଛନ୍ତି, 'ମୁଁ କେବେ ବି ନିଜ ବୟସ ଓ ଲିଙ୍ଗ ବିଷୟରେ ଚିନ୍ତା କରିନି । ମୁଁ କିଛି କାରଣ ପାଇଁ ରାଜନୀତିକୁ ଆସିଛି ଓ ଲୋକଙ୍କ ବିଶ୍ୱାସ ମଧ୍ୟ ଜିତିଛି।'

ନୂଆଦିଲ୍ଲୀ : ହାଇଦ୍ରାବାଦ ହିଳା ଡାକ୍ତରଙ୍କ ଗଣଦୁର୍ଷ୍କମରେ ୪ ଅଭିଯୁକ୍ତଙ୍କୁ ଆଜି ଏନକାଉଣ୍ଟର କରିଛି ତେଲେଙ୍ଗାନା ପୋଲିସ । ଯେଉଁ ସ୍ଥାନରେ ଦିଶା ଗଣଦୁର୍ଷ୍କମର ଶିକାର ହୋଇଥିଲେ, ସେହି ସ୍ଥାନରେ ଆଜି ଅଭିଯୁକ୍ତଙ୍କୁ ସଫା କରିଛି ତେଲେଙ୍ଗାନା ପୋଲିସ । ୪୪ ନମ୍ବର ଜାତୀୟ ରାଜପଥ ଯେଉଁଠି ଦିଶାଙ୍କ ଅର୍ଦ୍ଧଦଗ୍ଧ ମୃତ ଶରୀର ମିଳିଥିଲା ଉକ୍ତ ସ୍ଥାନରେ ୪ ଅଭିଯୁକ୍ତଙ୍କୁ ପୁଲିସ ଏନକାଉଣ୍ଟର କରିଛି । ତେବେ ବର୍ତ୍ତମାନ ସମୟରେ ହାଇଦ୍ରାବାଦ ପୋଲିସର ଭାର ଯେଉଁ କମିଶନରଙ୍କ ହାତରେ ରହିଛି , ସେ ଏନକାଉଣ୍ଟର ସ୍ପେଶାଲିଷ୍ଟ ଭାବେ ଖୁବ୍ ଚର୍ଚ୍ଚିତ । ସେ ହେଉଛନ୍ତି ପୋଲିସ କମିଶନର ଭି.ସି. ସଜ୍ଜନାର ।


ହାଇଦ୍ରାବାଦ ଗଣଦୁଷ୍କର୍ମର ଶିକାର ହୋଇଥିବା ଦିଶାଙ୍କୁ ମାତ୍ର ୧୦ ଦିନ ମଧ୍ୟରେ ସଜ୍ଜନାର ନ୍ୟାୟ ଦେଇଛନ୍ତି । ପଚାରଉଚରା କରୁଥିବା ବେଳେ ଆରୋପୀମାନେ ଖସି ପଳାଉଥିବା ବେଳେ ଏନକାଉଣ୍ଟର କରିଥିଲା ପୋଲିସ । ଏନେଇ ସଜ୍ଜନାର ଅର୍ଡର ଦେଇଥିବା କୁହାଯାଉଛି ।
https://twitter.com/ANI/status/1202801693244542976?s=20
 
ହାଇଦ୍ରାବାଦ ମାମଲା ପୂର୍ବରୁ ମଧ୍ୟ ଚର୍ଚ୍ଚାକୁ ଆସିଥିଲେ ସଜ୍ଜନାର । ୨୦୦୮ ମସିହାରେ ତେଲେଙ୍ଗାନାରେ ଜଣେ କଲେଜ ଛାତ୍ରୀଙ୍କ ଉପରେ ଏସିଡ୍ ପକାଇଥିଲେ ୩ ଅଭିଯୁକ୍ତ । ଏହାକୁ ନେଇ ବହୁ ବିବାଦ ଉପୁଜୁଥିବା ବେଳେ ଅପରାଧୀଙ୍କୁ ଏନକାଉଣ୍ଟର କରିଥିଲେ ସଜ୍ଜନାର । କେବଳ ଗଣଦୁର୍ଷ୍କମ ମାମଲା ନୁହେଁ, ବହୁ ମାଓବାଦୀଙ୍କୁ ମଧ୍ୟ ଏନକାଉଣ୍ଟର କରିଛନ୍ତି ଏହି ପୋଲିସ କମିଶନର । ତେବେ ହାଇଦ୍ରାବାଦ ଏନକାଉଣ୍ଟର ଘଟଣାର ମାଜିଷ୍ଟେଟ୍ ଯାଞ୍ଚ ହେବ ।

ଉଲ୍ଲେଖଯୋଗ୍ୟ ଯେ,ସୂଚନାଯୋଗ୍ୟ, ୨୭ ନଭେମ୍ୱରରେ ମହିଳା ଡାକ୍ତର ଜଣଙ୍କ ସଂଧ୍ୟା ବେଳେ ସ୍କୁଟିରେ ଘରକୁ ଆସୁଥିଲେ। ଶାମସାବାଦ ଟୋଲ ପ୍ଲାଜା ପୂର୍ବରୁ ଥିବା ଓଭର ବ୍ରିଜ ତଳେ ସ୍କୁଟିର ଟାୟାର ପମ୍ପଚର ହୋଇଯିବା ପରେ ଡାକ୍ତର ଜଣଙ୍କ ଛିଡା ହୋଇଥିଲେ। ଏହି ସମୟରେ ଅଭିଯୁକ୍ତମାନେ ଡାକ୍ତରଙ୍କ ସହ ଗଣ ଦୁଷ୍କର୍ମ କରି ହତ୍ୟା କରିଥିଲେ। ପରେ ପ୍ରମାଣ ନଷ୍ଟ କରିବାକୁ ଯାଇ ପୋଡ଼ି ଦେଇଥିଲେ।

ନୂଆଦିଲ୍ଲୀ: ସଂସଦ କ୍ୟାଣ୍ଟିନରେ ସାଂସଦମାନଙ୍କୁ ମିଳିଥିବା ସବିସିଡି ଯୁଗ ଶେଷ । ଏଣିକି ସଂସଦ କ୍ୟାଣ୍ଟିନରେ ଆଉ ମିଳିବନି ଶସ୍ତା ଖାଦ୍ୟ । ପ୍ରକୃତ ମୂଲ୍ୟ ଦେଇ ଖାଦ୍ୟ ଓ ଅନ୍ୟ ସାମଗ୍ରୀ କିଣିବେ ସାଂସଦ । ଏହି ନିଷ୍ପତ୍ତିରେ ପ୍ରାୟତଃ ସବୁ ଦଳର ସାଂସଦମାନେ ଏକମତ ହୋଇଛନ୍ତି ।

ତେବେ ପୂର୍ବରୁ ସଂସଦ କ୍ୟାଣ୍ଟିନରେ କମ୍ ମୂଲ୍ୟରେ ଖାଦ୍ୟ ମିଳୁଥିଲା । ଲୋକସଭାର ବାଚସ୍ପତି ଓମ୍ ବିର୍ଲାଙ୍କ ପ୍ରସ୍ତାବ ପରେ ବିଜନେସ ଆଡଭାଇଜରୀ କମିଟି ଏହି ମାମଲାରେ ଆଲୋଚନା କରିଥିଲା । ସାଂସଦଙ୍କ ସର୍ବସମ୍ମତି କ୍ରମେ ସବିସିଡି ପ୍ରତ୍ୟାହାରର ନିଷ୍ପତ୍ତି ନିଆଯାଇଛି । ଏହି ନିଷ୍ପତ୍ତି କାର୍ଯ୍ୟକାରୀ ହେଲେ ବାର୍ଷିକ ୧୭ କୋଟି ଟଙ୍କା ସଞ୍ଚୟ ହେବ ବୋଲି ଜଣାପଡିଛି ।


ପୂର୍ବ ଲୋକସଭା କମିଟିରେ ଖାଦ୍ୟର ଦର ବଢାଇଥିବା ବେଳେ ସବସିଡି ହ୍ରାସ କରାଯାଇଥିଲା । କିନ୍ତୁ ଏଥର ସବିସିଡି ସମ୍ପୂର୍ଣ୍ଣ ରୂପେ ଶେଷ ହୋଇଯାଇଛି । ସଂସଦ କ୍ୟାଣ୍ଟିନରେ ମିଳୁଥିବା ସିବସିଡିକୁ ନେଇ ବହୁ ବିବାଦ ଓ ହିଂସା ରହିଥିଲା । କିଛିଦିନ ତଳେ ସଂସଦ କ୍ୟାଣ୍ଟିନର ଖାଦ୍ୟ ଲିଷ୍ଟ ମଧ୍ୟ ଭାଇରାଲ ହୋଇଥିଲା ।

ଅହମଦାବାଦ : ଗୁଜରାଟର ଅନେକ ସହରରେ ବିନା ହେଲମେଟରେ ବାଇକ ଚଳାଇଲେ ଲାଗୁ ହେବନି ଜରିମାନା । ଏହା ସହ ଗୁଜରାଟ ସରକାର ବାଇକ ବା ସ୍କୁଟରେ ତିନି ଜଣଙ୍କୁ ବସାଇବାକୁ ମଧ୍ୟ ଅନୁମତି ଦେଇଛନ୍ତି । ଏଠାରେ କେନ୍ଦ୍ର ସରକାରଙ୍କ ଦ୍ଵାରା ଜାରି ହୋଇଥିବା ନୂଆ ଟ୍ରାଫିକ ନିୟମକୁ ରାଜ୍ୟସରକାର ବେଖାତିର କରିଛନ୍ତି, ଯାହା ଚଳିତ ବର୍ଷ ସେପ୍ଟେମ୍ୱର ୧୬ରେ ଲାଗୁ ହୋଇଥିଲା ।

ଏହା ପୂର୍ବରୁ ରାଜ୍ୟ ସରକାର ଏମଭି ଆକ୍ଟ ୨୦୧୯ରେ ଲାଗୁ ହୋଇଥିବା ଜରିମାନାର ରାଶିକୁ ହ୍ରାସ କରିଥିଲା । ସରକାର ମୁଖ୍ୟ ରୁପରେ ଟୁ-ହ୍ୱିଲର ଏବଂ ଜମିରେ କାମ କରୁଥିବା ବାହାନକୁ ରିହାତି ଦେଇଥିଲେ । ଗୁଜରାଟ ମୁଖ୍ୟମନ୍ତ୍ରୀ ବିଜୟ ରୁପାଣୀ କହିଥିଲେ, ଆମେ ଏହି ନୂଆ ନିୟମର ଧାରା ୫୦ରେ ପରିବର୍ତ୍ତନ କରିଛୁ । ଏଥିରେ ଜରିମାନାର ରାଶି କମ କରାଯାଇଛି ।


ସରକାରଙ୍କ ତରଫରୁ କୁହାଯାଇଛି ଯେ, ସହରାଞ୍ଚଳରେ ହେଲମେଟ ଏବଂ ତିନି ଜଣଙ୍କ ଯାତ୍ରାକୁ ଏଥିପାଇଁ ଅନୁମତି ଦିଆଯାଇଛି, କାହିଁକି ନାଁ ଅନେକ ସ୍ଥାନରୁ ପୁଲିସ ଏବଂ ସାଧାରଣ ଲୋକଙ୍କ ମଧ୍ୟରେ ବିବାଦର ଅନେକ ଖବର ସାମ୍ନାକୁ ଆସିଛି ।

ଉଲ୍ଲେଖଯୋଗ୍ୟ ଯେ ନୂଆ ନିୟମରେ ହେଲମେଟ ପିନ୍ଧି ନଥିବା ଗାଡି ଚାଳକଙ୍କୁ ୧୦୦୦ ଟଙ୍କା ଜରିମାନା ରହିଛି, କିନ୍ତୁ ଗୁଜରାଟରେ ଏହାକୁ ପରିବର୍ତ୍ତନ କରାଯାଇ ୫୦୦ ଟଙ୍କା କରାଯାଇଛି । ସେହିପରି ସିଟ ବେଲ୍ଟ ପିନ୍ଧି ନଥିବା ଗାଡି ଚାଳକଙ୍କ ଠାରୁ ନୂଆ ନିୟମ ଅନୁସାରେ ୧୦୦୦ ଟଙ୍କା ଜରିମାନ ଆଦାୟ କରିବାର ପ୍ରାବଧାନ ରହିଛି । ଗୁଜରାଟରେ ଏହାକୁ ୫ ଶହ ଟଙ୍କା କରାଯାଇଛି । ସେହିଭଳି ବିନା ଡ୍ରାଇଭିଂ ଲାଇସେନ୍ସରେ ଗାଡି ଚଳାଇଲେ ନୂଆ ନିୟମରେ ୫ ହଜାର ଟଙ୍କାର ଜରିମାନା ଲାଗୁ ହେବ, କିନ୍ତୁ ଗୁଜରାଟରେ ଟୁ-ହ୍ୱିଲର ଚାଳକଙ୍କ ପାଇଁ ୨ ହଜାର ଏବଂ ଅନ୍ୟ ବାହାନ ପାଇଁ ୩ ହଜାର ଜରିମାନା ରହିଛି । ଟ୍ରିପଲ ରାଇଡିଂ ପାଇଁ ୧ ହଜାର ଟଙ୍କାର ଜରିମାନା ରହିଛି କିନ୍ତୁ ଗୁଜରାଟରେ କେବଳ ୧୦୦ ଟଙ୍କା ଜରିମାନା ଦେବାକୁ ପଡୁଛି ।

ବିପଦପୂର୍ଣ୍ଣ ଭାବେ ବାଇକ ଚଳାଇଲେ ୫୦୦୦ ହଜାର ଟଙ୍କାର ଜରିମାନା ଲାଗୁ ହେବ, କିନ୍ତୁ ଗୁଜରାଟରେ ଟୁ-ହ୍ୱିଲର ଚାଳକଙ୍କ ପାଇଁ ୧୫୦୦, ଏଲଏମବି ପାଇଁ ୩୦୦୦ ଓ  ଅନ୍ୟ ବାହାନ ପାଇଁ ୫୦୦୦ ଟଙ୍କା ହଜାର ଜରିମାନା ରହିଛି ।

ଭୁବନେଶ୍ୱର : ମିଶନ ସୁବିଦ୍ୟା ଆଜି ଲୋକାର୍ପିତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଲୋକସେବା ଭବନରେ ଏହାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ଆୟୋଜିତ ଉତ୍ସବରେ ଏସସି, ଏସଟି, ଓବିସି ଛାତ୍ରଛାତ୍ରୀଙ୍କ ସୁବିଧା ପାଇଁ ୩ ଏମଓୟୁ ସ୍ୱାକ୍ଷରିତ ମଧ୍ୟ ହୋଇଛି । ଛାତ୍ରାବାସର ଭିତ୍ତିଭୂମି ଓ ପରିଚାଳନାର ମାନ ବୃଦ୍ଧି ପାଇଁ ବୁଝାମଣା ହୋଇଛି । ଏନେଇ କ୍ୟୁସିଆଇ ସଂସ୍ଥା ସହ ବୁଝାମଣା ପତ୍ର ସ୍ୱାକ୍ଷର କରିଛନ୍ତି ସରକାର । ଅନୁସୂଚିତ ଜାତି ଓ ଜନଜାତି ବିଭାଗ ଦ୍ୱାରା ପରିଚାଳିତ ବିଦ୍ୟାଳୟର ବିକଳ୍ପ ହେବ ।  ଶିକ୍ଷାଦାନର ମାନ ବୃଦ୍ଧି ପାଇଁ ଅକ୍ଷର ଫାଉଣ୍ଡେସନ ସହ ବୁଝାମଣା ହୋଇଥିବା ସୂଚନା ମିଳିଛି । ଜନଜାତି ସାମଗ୍ରୀର ବିକ୍ରି ବୃଦ୍ଧି ପାଇଁ TRIFED ସହ ସରକାର ଏମଓୟୁ ସ୍ୱାକ୍ଷର କରିଛନ୍ତି । ଏହା ସହ ଅବାସିକ ବିଦ୍ୟାଳୟକୁ ଆଇଏସଓ ମାନଯୁକ୍ତି କରାଯିବ ।